Coleen Rooney hefur fyrir dómi birt gögn þar sem staðfestir að aðeins aðgangur Rebekah Vardy sá skáldaðar Instagram færslur hennar sem rötuðu svo í enska götublaðið The Sun.
Meiðyrðamál Vardy gegn Rooney er nú fyrir dómstólum og undanfarna daga hefur það verið tekið fyrir og það mun einnig verða gert næstu daga. Verjandi Rooney sótti hart að Rebekuh Vardy í málinu, sakaði hana meðal annars um lygar og lagði fyrir hana nokkur mál sem hann vill meina að Vardy tengist beint en hún þverneitar.
Lol the fake stories Coleen planted to entrap Vardy. Love Coleen. Absolute legend of the game pic.twitter.com/Sge0MAS6yX
— Nooruddean (@BeardedGenius) May 17, 2022
Málið tengist inn í enska boltann en Jamie Vardy, framherji Leicester City er eiginmaður Rebekuh og Wayne Rooney, knattspyrnustjóri Derby County og fyrrum leikmaður Manchester United er eiginmaður Coleenar.
Coleen Rooney hefur áður sakað Vardy um að leka upplýsingum um einkalíf Rooney-fjölskyldunnar í fjölmiðilinn The Sun og upplegg verjanda Rooney í dag var að koma með fleiri sambærileg mál til sögunnar, mál sem hann segir tengjast því að Rebekah Vardy eða umboðsmaður hennar fyrir tilstilli Vardy, hafi lekið upplýsingum um til fjölmiðla gegn greiðslu.
Ein af sögunum sem Rooney setti inn á Instagram síðu sína og aðeins aðgangur Vardy skoðaði var að hún væri á leið til Mexíkó. Þar sagðist hún vera að fara að skoða meðferð þar sem hægt væri að velja kynið við þungun.
