Fram og Keflavík var spáð falli í spá Fréttablaðsins fyrir neðri hlutann í Bestu deild karla í vikunni. Spáin var til umræðu í þættinum Íþróttavikan með Benna Bó á Hringbraut í gær.

Fram hefur í vetur misst þá Kyle McLagan og Harald Einar Ásgrímsson, lykilmenn úr vörninni á síðustu leiktíð, ásamt Danny Guthrie. Inn hafa komið þeir Jannik Pohl, Jesus Yendis og Thiago Fernandes.

,,Fram er eiginlega með slakari hóp en í fyrra. Þeir hafa misst tvo lykilmenn og hafa bætt við sig tveimur erlendum leikmönnum sem eru bara óskrifuð blöð. Ég held það muni allir spá Fram neðsta sæti,“ sagði Hörður Snævar Jónsson, íþróttastjóri Torgs, um spána.

Það var erfiðara að spá fyrir um hvaða lið félli með Fram. ,,Svo er hitt rosalega jafnt. Leiknir, sem er spáð áttunda sæti, gæti alveg fallið. Keflavík, sem er spáð í ellefta sæti, gæti alveg endað í sjöunda sæti,“ sagði Hörður.

Nánar er rætt um Bestu deild karla, sem og Bestu deild kvenna, í spilaranum hér að neðan.