Undanfarið hefur Jack Grealish deilt gömlum myndum af sér á TikTok, aðdáendum til mikillar gleði.

Grealish, sem er leikmaður Manchester City og enska landsliðsins, er mikill sprelligosi og til í að skemmta fólki utan vallar.

Það er ein mynd sem hefur vakið sérstaka athygli. Þar er Grealish í búning sem Viddi úr Toy Story.

Aðdáendur hans eru hreinlega í kasti yfir myndinni.

Enska landsliðið undirbýr sig nú fyrir 8-liða úrslitin á Heimsmeistaramótinu í Katar. Er Grealish þar á meðal.

Liðið mætir Frakklandi í afar krefjandi leik á morgun. Hann hefst klukkan 19 að íslenskum tíma.