Kjaftasagan um að Heimir Guðjónsson sé að snúa aftur til starfa hjá FH er á miklu flugi. Forráðamenn FH hafa ekki viljað ræða málið undanfarna daga.
Heimir var rekinn frá FH haustið 2017 og hefur síðan stýrt HB í Færeyjum og Val. Hann var rekinn úr starfi hjá Val í sumar.
Sagt er að Heimir sé nálægt því að taka aftur við þjálfun FH sem rétt bjargaði sæti sínu í Bestu deildinni í sumar.
Davíð Þór Viðarsson yfirmaður knattspyrnumála hjá FH hefur ekki svarað í símann síðustu daga og Heimir Guðjónsson svaraði venju samkvæmt ekki í símann í morgun.
Heimir stýrði FH frá 2008 til 2017 og varð liðið á þeim tíma fimm sinnum Íslandsmeistari.
