Juventus vann stórleikinn á Ítalíu í kvöld er liðið mætti Inter Milan á heimavelli sínum.
Bæði þessi lið hafa verið í basli á tímabilinu en Juventus lyfti sér upp í 5. sætið með 2-0 heimasigri.
Inter var að tapa fimmta leik sínum í deildinni og er starf Simone Inzaghi sagt vera í verulegri hættu.
Fyrr í kvöld var Felipe Anderson hetja Lazio sem vann Roma með einu marki gegn engu.
Tveir fyrrum stjórar Chelsea áttust þarna við en Maurizio Sarri er stjóri Lazio og Jose Mourinho er hjá Roma.
Juventus 2 – 0 Inter
1-0 Adrien Rabiot(’52)
2-0 Nicolo Fagioli(’84)
Roma 0 – 1 Lazio
0-1 Felipe Anderson(’29)
