Declan Rice, miðjumaður West Ham, lofsöng Old Trafford eftir leikinn gegn Manchester United í gær.
Heimamenn unnu leikinn 1-0, þökk sé frábæru skallamarki frá Marcus Rashford og frábærri frammistöðu David De Gea í markinu.
Hinn 23 ára gamli Rice hefur verið orðaður við stærri félög í mörg ár, þrátt fyrir ungan aldur. Þar hefur Chelsea gjarnan verið nefnt til sögunnar, en hann lék með yngri liðum félagsins áður en hann færði sig yfir til West Ham.
Þó hefur United einnig verið nefnt í þessu samhengi.
„Þetta veitir manni innblástur, þetta er Old Trafford,“ segir Rice um að spila á þessum sögufræga leikvangi.
„Maður hugsar um söguna, alla stóru leikina sem hafa verið hér og frábæru leikmennina sem hafa spilað hér. Maður vill koma hingað og setja mark þitt á leikinn. Þú vilt vinna og gera vel sjálfur.“
