Georgina Rodriguez, eiginkona knattspyrnusnillingsins Cristiano Ronaldo, segir að knattspyrna komi aldrei upp í samræðum hjónanna.
Ronaldo er eins og flestir vita einn fremsti knattspyrnumaður sögunnar. Hann fær þó lítið að ræða boltann við eiginkonuna.
Georgina segir að hún og Ronaldo spjalli mun frekar um uppeldi barna sinna, ferðalög og viðskipti.
,,Sannleikurinn er sá að ég hafði aldrei áhuga á fótbolta sem barn. Ballet og ferðalög úti í sveit var það sem heillaði mig,“ sagði Georgina við El Pais.
,,Ég fór að hafa að hafa áhuga því ég hef áhuga á því sem maki minn starfar við. En ég elska ekki fótbolta og sannleikurinn er sá að heima tölum við ekki um fótbolta því ég veit ekki mikið um hann.“
,,Við tölum um heilsu, börnin okkar, ferðalög, verkefni og viðskiptaáætlanir.“
