Sean Dyche stjóri Burnley er gjörsamlega trylltur yfir því að félagið sé að selja Chris Wood framherja til Newcastle.

Bæði félög eru með 11 stig í fallsætum og berjast fyrir lífi sínu í ensku úrvalsdeildini. Wood hefur verið fastamaður í liði Burnley.

Umboðsmaður Wood lét Newcastle vita af klásúlu í samningi framherjans, Newcastle bauð 25 milljónir punda og félagið gat ekkert gert. Slík klásúla var í samningi hans.

Umboðsmaðurinn hafði selt Kieran Trippier til Newcastle í síðustu viku og lét vita af klásúlu Wood.

Ensk blöð segja að Dyche sé gjörsamlega brjálaður yfir því að missa sinn öflugasta sóknarmann til liðs sem er að berjast við þá um sæti í deildinni.

Jóhann Berg Guðmundsson er í herbúðum Burnley en liðið er á sínu sjötta tímabili í röð í deild þeirra bestu.

Enski boltinn á 433 er í boði