Víkingur Reykjavík er mun sigurstranglegri í úrslitaleik Mjólkurbikars karla gegn FH á morgun ef marka má veðbanka.

Liðin mætast í úrslitaleiknum á Laugardalsvelli klukkan 16 á morgun.

Víkingur er ríkjandi meistari. Liðið vann ÍA í úrslitaleik í fyrra. Víkingur vann keppnina einnig 2019, þá einmitt gegn FH.

Bikarkeppnin var ekki kláruð árið 2020 vegna kórónuveirufaraldursins og getur Víkingur því í raun unnið bikarinn þriðja tímabilið í röð.

Samkvæmt Lengjunni er Víkingur mun sigurstranglegri á morgun. Stuðullinn á að lærisveinar Arnars Gunnlaugssonar sigri er 1,6. Á meðan er stuðullinn á að FH beri sigur úr býtum 3,9.

Það er þó aldrei að vita hvað gerist í bikarúrslitaleik, eins og hefur gjarnan sýnt sig í gegnum tíðina.