Tanguy Ndombele, leikmaður Tottenham, mun fara til Ítalíu og semja við Napoli þar í landi.
Blaðamaðurinn virti Gianluca Di Marzio ræðir þetta mál en Ndombele mun ganga í raðir Napoli á láni.
Það verður möguleiki fyrir Napoli að kaupa Ndombele endanlega næsta sumar ef hann stenst væntingar á Ítalíu.
Þessi 25 ára gamli leikmaður á eftir að ná samningum við Napoli en félögin hafa komist að samkomulagi.
Ndombele er ekki inni í myndinni hjá Antonio Conte, stjóra Tottenham, fyrir veturinn og mun ekki leika með liðinu ef hann verður áfram.
