Ólafur Jóhannesson ræddi við Stöð 2 Sport í kvöld eftir leik Vals og KR sem fór fram á Meistaravöllum.
Leiknum lauk með 3-3 jafntefli og er þetta fyrsti leikur Ólafs með Val eftir að hann tók við af Heimi Guðjónssyni.
Ólafur segir að heppnin hafi jafnvel verið með Valsmönnum í kvöld og viðurkennir að það sé ýmislegt sem þarf að laga á næstu vikum.
,,Þetta var bara hörku Reykjavíkurslagur á milli tveggja góðra liða en ef eitthvað er þá vorum við jafnvel heppnari en þeir,“ sagði Ólafur við Stöð 2 Sport.
,,Það er alltaf gott að skora mark alveg sama tímasetning er á því en það var fínt að fara inn með jafnt í hálfleik.“
,,Við töluðum um það í hálfleik að vera vakandi í seinni hálfleik en svona er þetta í fótbolta.“
,,Við þurfum að verja markið okkar betur, það er helvíti hart að gera þrjú mörk og það dugar ekki.“
,,Við þurfum bara að hugsa um næsta leik.“
