Sóknarmaðurinn Steven Bergwijn er á förum frá Tottenham og er á leið til Hollands.
Þessi 24 ára gamli leikmaður þekkir vel til deildarinnar í Hollandi en hann lék áður með PSV Eindhoven við góðan orðstír.
Bergwijn samdi við Tottenham árið 2020 og skoraði alls átta mörk í 83 leikjum fyrir félagið.
Bergwijn var með mun betri tölfræði í hollensku deildinni og skoraði til að mynda 14 mörk í 33 deildarleikjum 2018-2019.
Sky Sports staðfestir það í dag að Bergwijn sé að kveðja Tottenham og semur við annað stórlið í Hollandi, Ajax.
Bergwijn á að baki 22 landsleiki fyrir Holland og kostar Ajax 30 milljónir evra.
