Það er von Joelinton, leikmanns Newcastle, að landi hans Neymar íhugi að ganga í raðir félagsins í sumar.

Neymar gæti verið á förum frá Paris Saint-Germain í Frakklandi en þessi þrítugi leikmaður er á ótrúlegum launum og er fáanlegur samkvæmt ýmsum miðlum.

Neymar er samningsbundinn til 2027 en samningur hans við PSG var sjálfkrafa framlengdur í gær.

Joelinton er ekki náinn vinur Neymar en leikur með Bruno Guimaraes hjá Newcastle sem þekkir leikmanninn betur.

Joelinton segir að tían sé laus hjá Newcastle ef Neymar vill koma sem eru athyglisverð ummæli þar sem tían er í dag í eigu Allan Saint-Maximin sem er einn mikilvægasti leikmaður enska liðsins.

,,Við getum gefið honum pláss, auðvitað! Í hvaða liði sem er, ef hann kemur þá er hann… Ég get ekki útskýrt þetta. Hann fyrirmynd, hann er risastór í fótboltanum,“ sagði Joelinton.

,,Svo boðið er á borðinu, Ney, ef þú ert að hlusta þá geturðu komið hingað, ég mun hlaupa fyrir þig á fullu. Ef það er möguleiki þá vona ég að stjórinn hringi í hann.“

,,Tían er hérna bíðandi eftir honum, ég mun senda Bruno [Guimaraes] skilaboð. Bruno er með upplýsingarnar hans og getur boðið honum að koma hingað.“