Lionel Messi er ekki einn af þremur bestu leikmönnum sögunnar að mati goðsagnarinnar Marco van Basten.
Van Basten var sjálfur frábær leikmaður á sínum tíma en hann setur Messi ekki á topp þrjú lista sinn yfir þá bestu frá upphafi.
Pele, Diego Maradona og Johan Cruyff eru í þeim sætum en Van Basten segir að það sé erfitt að treysta á Messi þegar allt er undir.
Van Basten segir að Messi sé ekki sá leikmaður sem myndi fórna öllu fyrir liðið þegar stríð væri í vændum.
,,Pele, Maradona og Cruyff eru þrír bestu leikmenn sögunnar fyrir mér. Sem krakki vildi ég spila eins og Cruyff. Hann var vinur minn, ég sakna hans. Pele og Maradona voru líka ótrúlegir,“ sagði Van Basten.
,,Messi er frábær leikmaður en Maradona var alltaf með meiri persónuleika í sínu liði. Messi er ekki sá sem fórnar sér þegar þú ert á leið í stríð.“
,,Ég gleymi ekki Cristiano Ronaldo, Michel Platini eða Zinedine Zidane.„
