Sadio Mane er á leið til Bayern Munchen í Þýskalandi og kemur til félagsins frá Liverpool á Englandi.

Allir helstu miðlar Evrópu eru með það staðfest að Mane sé á leið til Bayern og verða skiptin tilkynnt á næstu dögum.

Samkvæmt Mirror verður Mane ekki einn af launahæstu leikmönnum Bayern en hann verður í sæti númer átta.

Mane mun fá 250 þúsund pund í vikulaun í Þýskalandi en sjö aðrir leikmenn verða á hærri launum.

Kingsley Coman, Leon Goretzka, Leroy Sane, Joshua Kimmich, Thomas Muller, Manuel Neuer og Robert Lewandowski eru allir á betri launum.

Lewandowski er launahæsti leikmaður Bayern með 369 þúsund pund á viku en hann er sjálfur að reyna að komast burt frá félaginu.

Mane hefur lengi verið einn besti leikmaður Englands og mun fá svipuð laun og bakvörðurinn Lucas Hernandez sem þénar 240 þúsund pund á viku.