Lið Barcelona á Spáni er að verða verulega pirrað á Cesar Azpilicueta, leikmanni Chelsea, sem er á óskalista félagsins.

Það hefur lengi verið vilji Börsunga að semja við Azpilicueta sem er spænskur og hefur íhugað það að snúa aftur heim.

Tryggð Azpilicueta við Chelsea er hins vegar mikil en hann hefur leikið fyrir félagið í tíu ár og borið fyrirliðaband liðsins.

Azpilicueta sem er 32 ára gamall á eitt ár eftir af samningi sínum við Chelsea en vill ekki vanvirða félagið og kveðja á ósæmandi hátt.

Barcelona hefur ítrekað reynt að fá leikmanninn til að skrifa undir en hingað til hefur það lítið sem ekkert gengið.

Barcelona hefur sett pressu á bakvörðinn að annað hvort biðja um sölu eða þá að skiptin til félagsins séu í mikilli hættu.

Framtíð leikmannsins mun væntanlega koma í ljós á vikum en talið er að Chelsea vilji halda honum lengur en í ár til viðbótar.