Það er Goal sem greinir frá því í dag að sóknarmaðurinn Eddie Nketiah sé við það að skrifa undir nýjan samning við Arsenal.

Samkvæmt Goal hefur Nketiah samþykkt samningstilboð Arsenal og mun samningurinn gilda til ársins 2027.

Arsenal gæti þurft að treysta á Nketiah á næstu leiktíð en Alexadre Lacazette er að kveðja liðið og verður ekki til taks í sókninni.

Nketiah mun taka við goðsagnarkenndu númeri hjá Arsenal eða númerinu 14 sem Thierry Henry bar á sínum tíma.

Henry er markahæsti leikmaður í sögu Arsenal og er af mörgum talinn besti leikmaður til að spila fyrir liðið frá upphafi.

Nketiah hefur áður borið númerið 30 og skoraði alls fimm mörk í 19 leikjum fyrir Arsenal á síðustu leiktíð.