Segja má að óperusöngvarinn, Kristján Jóhannsson hafi stolið senunni í stúkunni á Laugardalsvelli í gær þegar Ísland tók á móti Albaníu.
Íslenska karlalandsliðið í knattspyrnu gerði í gær 1-1 jafntefli við Albaníu í B-deild Þjóðadeildar UEFA.
Jafnræði var með liðunum til að byrja með í leiknum en á 30. mínútu kom Seferi, sóknarmaður Albana gestunum yfir. Boltinn datt fyrir fæturna á Seferi eftir að Rúnar Alex hafði varið boltann áður út í teig. Þetta reyndist eina mark fyrri hálfleiks. Íslendingar komu tilbúnir til leiks í þeim seinni. Það tók liðið um það bil þrjár mínútur að jafna metin. Það gerði Jón Dagur Þorsteinsson eftir skyndisókn.
Fleiri mörk voru ekki skoruð í leiknum sem endaði með 1-1 jafntefli. Stórsöngvarinn var mættur í stúkuna og kyrjaði þjóðsönginn af stakri snilld.
Það er bara takk 🫡🫡🫡 pic.twitter.com/bWYRCumhlZ
— Jón Kári Eldon (@jonkarieldon) June 6, 2022
