Cheikhou Kouyate og Ismaila Sarr hafa búið til vandræði og læti innan félaga sinna með því að styðja við Idrissa Gueye leikmann PSG. Gana Gueye neitaði að taka þátt í leik liðsins um helgina þar sem stutt var við hinsegin samfélagið.

Gueye var ekki í hópi liðsins gegn Montpellier um helgina en athygli vakti að Gueye missti af sama leik á síðustu leiktíð.

Á síðasta ári var sagt að Gueye væri með magakveisu en nú segir RMC í Frakklandi að Gueye hafi neitað að klæðast treyju PSG sem var með regnbogalitnum aftan á.

Kouyate leikmaður Crystal Palce og Sarr leikmaður Watford koma frá Senegal líkt og Gueye og þeir studdu við sinn samlanda á samfélagsmiðlum.

Sarr setti inn mynd af sér og Gueye með þremur hjörtum og skrifað að hann væri 100 prósent. Kouyate setti finn færslu og kallaði Gueye alvöru karlmann og að hann myndi styðja við hann.

Hefur þetta vakið hörð viðbrögð hjá þessum félögum.