„Þeir fóru yfir strikið í þessum leik, hrækja á Óskar. Hvernig dettur mönnum í hug að hrækja? Mér finnst það viðbjóður,“ segir Vilhjálmur Freyr Hallsson í hlaðvarpsþættinum Steve Dagskrá  um stuðningsmenn ÍA.

Hrækt var á Óskar Hrafn Þorvaldsson þjálfara Breiðabliks á Akranesi um helgina. Atvikið átti sér stað í leik ÍA og Breiðabliks í Bestu deildinni á laugardag og myndband náðist af atvikinu og má sá það hér fyrir neðan.

Stuðningsmenn ÍA voru fyrir aftan varmannabekk Breiðabliks og létu hrákurnar rigna fyri varamannabekk Blika.

„Það rigndi yfir þá, þú varst blautur á bakinu,“ sagði Andri Geir Gunnarsson í Steve Dagskrá.

Eftir leik fór Óskar í viðtöl og hrósaði stuðningsmönnum ÍA fyrir stemminguna og minntist ekkert á hrákuna. „Óskar Hrafn er maður að meiru, hann hafði það í sér að hrósa þeim.“

Vilhjálmur Freyr fór þá í það að nefna umrætt atvik. „Skaga slumman er hún kölluð. Pældu í því að þurfa að standa í því að láta hrækja á þig.“

Andri Geir vonar að Skagamenn láti af þessari hegðun sinni „Þetta var yfir strikið, það er næstum því að ég hafi gaman af þessu ef þetta er bara einu sinni. “