Breska ríkisstjórnin hefur létt frekar á þeim takmörkunum sem enska úrvalsdeildarfélaginu Chelsea voru settar í síðustu viku. The Sun fjallaði um málið í gærkvöldi.

Eins og kunnugt er orðið voru eigur Roman Abramovich, eiganda Chelsea, frystar í síðustu viku vegna tengsla hans við Vladimir Putin, Rússlandsforseta.

Í kjölfarið voru félaginu settar ýmsar hömlur.

Abramovich er nú ekki lengur stjórnandi félagsins en það var stjórn ensku úrvalsdeildarinnar sem tók þá ákvörðun í gær. Í kjölfarið var létt á einhverjum af þeim hömlum sem Chelsea höfðu verið settar. Breska ríkisstjórnin ákvað að leyfa Chelsea að eyða 900 þúsund pundum í að halda heimaleiki í stað 500 þúsund eins og hafði verið ákveðið áður.

Nú hefur ríkisstjórnin ákveðið að leyfa Chelsea að nota sjónvarpstekjur og verðlaunafé frá ensku úrvalsdeildinni og UEFA til að nota við rekstur félagsins. Það ætti því ekki að vera mikil hætta á því að Chelsea fari í greiðslustöðvun neitt á næstunni.

Chelsea mun fá allt að 35 milljónir punda í sjónvarpstekjur það sem eftir er af þessari leiktíð. Þá fær félagið 39 milljónir punda ef það heldur þriðja sætinu í ensku úrvalsdeildinni. Takist liðinu að fara alla leið í Meistaradeild Evrópu og verja titil sinn fær það svo 36 milljónir punda.

Abramovich hefur gefið grænt ljós á að félagið verði selt. Hann mun ekkert hagnast á sölunni. Félagið mun sko