Þegar Sergio Aguero yfirgaf Manchester City fyrir Barcelona í sumar vildi hann að Phil Foden, miðjumaður City, tæki við númeri sínu, 10.
Foden hefur á síðustu leiktíðum gert sig gildandi sem einn fremsti miðjumaður ensku úrvalsdeildarinnar þrátt fyrir ungan aldur.
Hann var hins vegar ekki til í að taka við treyju númer 10 af Aguero. ,,Ég íhugaði það ekki. Tían er svo stór hjá félaginu en það er eitthvað við 47 (númerið sem Foden notar í dag). Ég vil skrifa mína eigin sögu með þetta númer á bakinu,“ sagði Foden.
Foden var einnig í fréttum fyrr í dag fyrir allt aðra hluti. Hann og móðir hans, Claire Foden, lentu í slagsmálum baksviðs í Manchester Arena í gær eftir að hafa horft á bardaga þar.
Eftir að nokkrir menn hefðu hrópað ókvæðisorðum að Phil skarst Caire í leikinn. Hún svaraði mönnunum fullum hálsi áður en hún hrinti einum þeirra. Það varð til þess að hún fékk högg í andlitið frá einum mannanna. Phil skarst á tímapunkti í leikinn en lét höggin eiga sig. Það mátti einnig sjá einn mann sem tilheyrði hópi Phil og Claire kasta slökkvitæki í átt að hinum mönnunum.
