Porto ætlar að leyfa varnarmanni sínum, Chancel Mbemba, að fara frítt frá félaginu þegar samningur hans rennur út í sumar vegna óvissu með aldur hans.
Á blaði er Mbemba 27 ára gamall en svo gæti verið að hann sé í raun sex árum eldri.
Árið 2013 greindi CNN frá því að fjórir fæðingardagar Mbemba hefðu komið fram. Voru þeir á bilnu 1988 til 1994.
Hjá þeim tveimur félögum sem leikmaðurinn spilaði með í heimalandi sínu, Kongó, fæðingardagur hans skráður 1988. Árið 2011 var fæðingardagur hans svo skráður 1991. Það var fyrir leik með Kongó í undankeppni Afríkukeppninnar. Þá var hann skráður fæddur 1994 þegar hann skrifaði undir hjá Anderlecht. Hann fór svo til Newcastle árið 2015, þá 21 árs gamall, miðað við að hann hafi verið fæddur árið 1994.
Sjálfur hefur Mbemba áður sagst vera fæddur 1990. Það sem flækir málið enn frekar er að hann hefur einnig sagst hafa gengist undir prófanir sem sýndu fram á að hann væri fæddur 1994.
FIFA hóf að rannsaka málið fyrir níu árum. Þá viðurkenndi meðlimur í knattspyrnusambandi Kongó að að fæðingaári Mbemba haf verið breytt í 1991 svo hann gæti leikið með U-23 ára landsliðinu á Ólympíuleikunum í Lundunúm árið 2012.
AC Milan er talið hafa haft áhuga á því að krækja í Mbemba en hætt við þegar þeir komust að því að óvissa væri um aldur hans.
