Finnur Tómas Pálmason hefur samið við KR á nýjan leik. Finnur er uppalinn KR-ingur, en hann var seldur til Norrköping fyrir ári síðan en kom til KR á láni síðasta tímabil.
„Það er frábært að fá hann til liðs við okkur aftur, enda er búist við miklu af honum næstu tímabil. Hann var í byrjunarliði A-landsliðsins í vináttuleik þeirra við Uganda í gær og stóð sig vel,“ segir á vef KR.
Valur og fleiri lið höfðu áhuga á Finni en hann ákvað að halda heim í KR.
„Við bjóðum Finn Tómas velkominn í hópinn og hlökkum til að fylgjast með honum á vellinum í sumar.“
