Steven Gerrard, stjóri Aston Villa, hefur áhuga á að krækja í Lucas Digne, vinstri bakvörð Everton. Þetta segir í frétt Daily Mail.
Hinn 28 ára gamli Digne er til sölu þar sem hann er ekki í náðinni hjá Rafa Benitez, stjóra Everton.
Everton vill fá 30 milljónir evra fyrir Digne. Þá vill leikmaðurinn sjálfur tæplega 30 þúsund pund í vikulaun.
Digne hefur verið sterklega orðaður við Chelsea undanfarið. Talið er að liðið vilji fá hann til að fylla í skarð Ben Chilwell sem sleit krossbönd fyrr á leiktíðinni.
Chelsea er þó eitthvað hikandi við það að greiða uppsett verð fyrir Digne. Villa gæti því stolið honum.
