Birkir Bjarnason lék allan leikinn fyrir Adana Demirspor þegar liðið mætti Besiktas í tyrknesku úrvalsdeildinni í kvöld.
Besiktast var komið í 3-0 forystu eftir 52 mínútur en Matías Vargas og Mario Balotelli minnkuðu muninn í 3-2 þegar að 11 mínútur voru eftir af venjulegum leiktíma.
Britt Assombalonga reyndist svo hetja Adana Demirspor þegar hann jafnaði metin á sjöundu mínútu uppbótartíma og lokatölur 3-3 á heimavelli Besiktas.
Adana Demirspor er í 12. sæti með 6 stig eftir 6 leiki. Besiktas er í 1. sæti með 14 stig.
