Riyad Mahrez, vængmaður Manchester City, hefur fengið sekt og akstursbann eftir að hafa verið gripinn á 193 km hraða á M6-hraðbrautinni á Englandi. Það er hámarkshraði í hæsta falli 112 km á klukkustund, það fer eftir hvar innan brautarinnar er ekið.

Knattspyrnustjarnan ók bíl af tegundinni Audi. Bíllinn er metinn á tæplega 18 milljónir króna.

Mahrez þarf að greiða að því sem nemur um 450 þúsund íslenskum krónum í sekt. Auk þess má hann ekki aka bifreið í 56 daga eftir að hafa verið gripinn.

Það er óhætt að segja að Mahrez muni ekki eiga í vandræðum með að greiða sektina. Hann fær það sem jafngildir rúmlega 21 milljón íslenskum krónum í laun á viku hjá vinnuveitendum sínum, Man City.

Mahrez mætir sínum gömlu félögum í Leicester City í ensku úrvalsdeildinni á morgun.