Spezia í Serie A hefur áhuga á því að kaupa Mikael Egil Ellertsson frá SPAL. Björn Már Ólafsson, sérfræðingur um ítalska boltann, hefur þetta eftir ítölskum fjölmiðlum.

Sjá einnig: Mikael Egill æfir með aðalliði SPAL

Það kemur jafnframt fram að SPAL hafi samþykkt nýjasta kauptilboð Spezia í hinn 19 ára gamla Mikael. Stjóri Spezia er Thiago Motta, sem lék lengi með Paris Saint-Germain og þar áður Inter. Hann tók við liðinu í sumar. Spezia hafnaði í fimmtánda sæti Serie A á síðustu leiktíð.

Það kemur einnig fram í ítölskum fjölmiðlum að Juventus hafi einnig áhuga á Mikael. Það er þó ljóst að leiðin inn í aðalliðið þar er töluvert lengri en hjá Spezia.

,,Eins og staðan er núna er hópurinn hjá Spezia svo þunnur að hann nánast labbar inn í byrjunarliðið. Motta er þekktur fyrir að spila blússandi possession fótbolta, alveg sama hvaða lið hann þjálfar,“ skrifaði Björn Már á Twitter.

Samkvæmt Il Secolo XIX hafði Juventus einnig áhuga á honum. https://t.co/82tDKbTE6D

— Björn Már Ólafsson (@bjornmaro) July 23, 2021

Frábær leið til að fá reynslu og spiltíma en Spezia þarf annað kraftaverk í ár til að halda sér uppi. Kraftaverk og slatta af nýjum leikmönnum.

— Björn Már Ólafsson (@bjornmaro) July 23, 2021