C-riðill EM 2020 kláraðist nú fyrir stuttu með tveimur leikjum. Holland og Austurríki fara upp úr riðlinum.
Öruggt hjá Hollendingum
Holland tók á móti Norður-Makedóníu í Amsterdam. Þeir appelsínugulu unnu öruggan sigur.
Memphis Depay kom heimamönnum yfir um miðjan fyrri hálfleik. Það var eina mark fyrri hálfleiks.
Gini Wijnaldum skoraði svo með stuttu millibili á fyrsta stundarfjórðungi seinni hálfleiks. Fyrra markið kom á 51. mínútu og það seinna á 58. mínútu. Lokatölur 3-0.
Austurríki áfram eftir sigur
Austurríki vann gríðarlega mikilvægan sigur á Úkraínu í Búkarest.
Christoph Baumgartner gerði eina mark leiksins á 21. mínútu eftir sendingu frá David Alaba. Lokatölur 1-0.
Holland vinnur riðilinn með fullt hús stiga. Austurríki fylgir þeim í 16-liða úrslit mótsins með 6 stig. Úkraína er með 3 stig í þriðja sæti. Þeir þurfa að bíða og sjá hvort sá árangur dugi þeim áfram. Það er þó ekki mjög líklegt. Þau fjögur lið með besta árangur í þriðja sæti af riðlinum sex fara í 16-liða úrslit. Norður-Makedónía lýkur keppni án stiga og er á heimleið.
