Tveimur leikjum var að ljúka í 10. umferð Pepsi-Max deildar karla. Fylkir sigraði ÍA og Stjarnan hafði betur gegn HK.
ÍA byrjaði leikinn af krafti en Gísli Laxdal kom liðinu yfir strax á fjórðu mínútu. Hákon Ingi átti skot í stöng en Gísli var réttur maður á réttum stað og kláraði í autt markið. Helgi Valur jafnaði metin á 23. mínútu eftir stoðsendingu frá Jordan Brown.
Fylkismenn komu grimmir út í seinni hálfleik og komust yfir snemma leiks með marki frá Óskari Borgþórssyni en þetta var hans fyrsta mark í meistaraflokki. Aðeins fimm mínútum síðar skoraði Dagur Dan þriðja mark heimamanna með föstu skoti sem Dino missti inn.
Fylkir fer í 7. sæti deildarinnar með sigrinum. ÍA er á botni deildarinnar með 5 stig.
Fylkir 3 – 1 ÍA
0-1 Gísli Laxdal Unnarsson (´4)
1-1 Helgi Valur Daníelsson (´23)
2-1 Óskar Borgþórsson (´53)
3-1 Dagur Dan Þórhallsson (´59)
Stjarnan virðist vera að vakna til lífsins en þeir unnu góðan sigur gegn HK. Hilmar Árni kom Stjörnunni yfir á 24. mínútu eftir stoðsendingu frá Heiðari Ægis. Emil Atlason tvöfaldaði forystu heimamanna stuttu síðar með flottum skalla.
Stefan Alexandr Ljubicic minnkaði muninn þegar um stundarfjórðungur var eftir af venjulegum leiktíma. Aðeins mínútu síðar fékk Hilmar Árni frábært tækifæri til þess að koma Stjörnunni aftur tveimur mörkum yfir úr vítaspyrnu. Spyrnan var léleg og Arnar varði. Þetta kom ekki að sök og Stjarnan sótti þrjú mikilvæg stig.
Með sigrinum fer Stjarnan í 8. sæti deildarinnar með 10 stig. HK er í 10. sæti með 6 stig.
Stjarnan 2 – 1 HK
1-0 Hilmar Árni Halldórsson (´24)
2-0 Emil Atlason (´30)
2-1 Stefan Alexander Ljubicic (´74)
