Starfsmaður BBC klúðraði málunum illa á dögunum þegar hann reyndi að fá Gordon Banks, sem var hetja á HM 1966, í þátt hjá stöðinni. Vandamálið er að maðurinn lést fyrir rúmum tveimur árum.

Astoðarframleiðandi hjá stöðinni sendi fyrirspurn til umboðsmanns hvort að goðsögnin gæti komið fram í þætti á stöðinni og rætt við börn um vítaspyrnukeppnir.

„Okkur langar mikið að athuga hvort að Gordon sé laus þessa dagana. Við teljum að hann gæti passað vel í þennan þátt. Gætir þú látið mig vita ef hann er laus?,“ skrifaði framleiðandinn í tölvupósti.

Málið hefur vakið mikla athygli í Bretlandi og lítur afar illa út fyrir BBC. Fyrrum liðsfélagi Gordon, George Cohen, sagði að BBC þyrftu að bæta vinnubrögð sín svo þetta komi ekki fyrir aftur.

BBC hefur nú beðist afsökunar á atvikinu.