Svíþjóð og Slóvakía mættust í E-riðli Evrópumótsins í dag en leikurinn fór fram á Krestovsky vellinum í Moskvu, höfuðborg Rússlands.
Leikurinn var ansi tíðindalítill og ekki ýkja spennandi. Eftir óspennandi fyrri hálfleik mættu Svíar af kappi í þann seinni en áttu þó erfitt með að koma boltanum í netið. Þegar um korter var eftir af leiknum fengu Svíar þó vítaspyrnu og náði Emil Forsbeg, leikmaður RB Leipzig, þá að skora framhjá Martin Dúbravka sem hafði náð að halda markinu hreinu fram að því.
Svíar eru að öllum líkindum komnir áfram úr riðlinum með þessum sigri en þeir sitja nú á toppi riðilsins með 4 stig. Þeir eiga eftir einn leik við Pólland en Slóvakía á eftir einn leik gegn Spáni. Slóvakía vann fyrsta leikinn sinn og er því í öðru sæti með 3 stig. Pólland og Spánn leika á morgun en um er að ræða sannkallaðan úrslitaleik um mögulegt sæti í útsláttarkeppninni því hvorugt liðanna náði að sigra fyrsta leikinn sinn í keppninni.
