Spánverjar fengu Svía í heimsókn til Sevilla í gær í E-riðli Evrópumótsins í fótbolta. Hvorugt lið náði að koma boltanum í netið og því um að ræða fyrsta markalausa leik mótsins til þessa.

Svíinn Victor Lindelöf átti frábæran leik í vörninni og var hann valinn „stjarna leiksins“ og fékk fyrir það fína stjörnu frá Heineken. Myndin af Lindelöf með bikarinn hefur vakið athygli meðal margra.

Eins og sjá má hér fyrir neðan er hann með væna tóbakstuggu eða nikótínpúða undir efri vör. Þó hann sé þekktur fyrir að vera ansi harður í horn að taka þá gat hann ekki gert annað en að lauma inn smá brosi eftir frábæran leik.