Finnur Tómas Pálmason er að ganga aftur í raðir KR, hann kemur á láni til félagsins frá Norrköping í Svíþjóð. Fótbolti.net segir frá.
Það sem vekur mesta athygli í þessum félagaskiptum er sú staðreynd að KR seldi finn til Norrköping í janúar á þessu ári.
Fjórum mánuðum síðar ákveður Finnur að halda heim í KR, sænska félagið borgaði tugi milljóna fyrir Finn en hann var frábær með KR sumarið 2019.
Finnur er tvítugur varnarmaður sem spilað hefur 25 leiki fyrir yngri landslið Íslands.
Hann verður ekki með KR á morgun gegn KA en Finnur fer í sóttkví fram í næstu viku og gæti mögulega spilað í þriðju umferð.
