Luiz Adriano knattspyrnumaður í Brasilíu hefur heldur betur komið sér í klípu, hann átti að vera í einangrun eftir að hafa greinst með COVID-19 veiruna. Hann ákvað hins vegar að fara á rúntinn með móður sína..
Adriano lék áður í Evrópu og var meðal annars í herbúðum Shaktar Donetsk og AC Milan en hann er í dag í herbúðum Palmeiras í Brasilíu.
Adriano greindist með veiruna á mánudag og átti að vera í einangrun í tíu dag. „Mér var fyrirskipað vera í einangrun en í gær fór ég með móðir mína í verslun. Hún kann ekki að keyra, ég fór aldrei úr bílnum og var alltaf með grímu,“ sagði Adriano á Instagram.
Adriano keyrði á hjólreiðamann á leið sinni og var hann allur blóðugur í andliti. „Ég lenti í slysi þar sem hjól fór á bílinn minn á bílastæðinu þegar ég var að keyra út. Ég var alltaf með grímu en hjálpaði að sjálfsögðu manninum.“
„Ég hefði ekki átt að fara að heiman, ég gerði mistök. Ég get játað því en við lifum á erfiðum tímum. Við þurfum að fara varlega.“
