Manchester United hefur sett 30 milljóna punda verðmiða á Jesse Lingard í sumar, hann er í dag á láni hjá West Ham og hefur slegið í gegn.

Lingard sem er 28 ára gamall hafði verið settur í frystikistuna hjá Ole Gunnar Solskjær hjá Manchester United og vildi fara á lán.

Lingard hefur verið gjörsamlega frábær hjá West Ham og hefur kveikt áhuga fjölda liða á sér.

West Ham hefur áhuga á að kaupa Lingard en United vill 30 milljónir punda fyrir hann, spilamennska Lingard hefur komið honum aftur inn í enska landsliðið.

Möguleiki er á að Lingard verði áfram hjá Manchester United en þá yrði hann áfram í hálfgerðu aukahlutverki.