Segja má að knattspyrnuheimurinn nötri vegna þess sem gerðist á sunnudag, tólf stór félög í Evrópu kynntu þá nýja Ofurdeild sem þau hafa stofnað. Deildin muna gefa þessum félögum mikla fjármuni í vasann en stefnt er að því að hafa 15 lið föst í deildinni, sem aldrei munu falla úr deildinni.

Margir óttast að þetta skemmi fótboltann og hafa kröftug mótmæli átt sér stað, fólkið vill stoppa þessi áform félaganna.

Á sunnudag var Gary Neville sérfræðingur Sky Sports í beinni útsendingu og gagnrýndi Manchester United og Liverpool mest, Neville lék lengi fyrir United. Hann talaði um You’ll Never Walk Alone stuðningslag Liverpool en það virðist hafa pirrað Jurgen Klopp, stjóra Liverpool.

Klopp og Neville hafa í nokkur skipti eldað grátt silfur og virðist Klopp vera ansi illa við Neville. „Gary Neville talar um You’ll Never Walk Alone, það gæti að vera bannað,“ sagði Klopp eftir jafntefli gegn Leeds í gær.

Klopp sagðist vera á móti stofnun Ofurdeildarinnar en eigendur Liverpool höfðu ekki rætt neitt við hann áður en þessa nýja deild var kynnt.

„Við eigum rétt á því að syngja þetta lag, þetta er okkar lag og hann skilur það ekki einu sinni. Ég vil ekki sjá svona hluti.“

„Ég skil alla umræðuna og ég er ekki sáttur heldur, en ég tala ekki um önnur félög. Þú getur haft skoðanir en ég myndi vilja sjá Gary Neville í stöðu þar sem ekki mestu fjármunirnir eru. Hann var hjá Manchester United og Sky. Ekki gleyma því að við höfum ekkert með þetta að gera, við erum í sömu stöðu. Við fáum bara upplýsingar og eigum svo að spila fótbolta.“

Neville svaraði fyrir sig:

Neville var fljótur að svara fyrir sig á Sky eftir leikinn. „Af hverju er þetta ekki sanngjarnt? Ég hef oft gagnrýnt Liverpool í gegnum árin en í gær snérist þetta ekkert um að gera lítið úr Liverpool,“ sagði Neville.

„Ég veit ekki af hverju ég bý í hausnum á honum, ef ég á að vera heiðarlegur. Ég veit ekki af hverju þetta pirraði hann.“

„Í gær var ég að ræða um fótboltann og sagði að mestu vonbrigðin fyrir mig væru Manchester United og Liverpool, ég veit ekki hvert vandamál Klopp er.“

„Hann talar um að sitja í erfiðu sæti, ég var í 25 ár hjá Manchester United og 11 ár hjá Sky og ég hef lagt mikið á sig. Ég hef ekki bara fengið þetta upp í hendurnar og farið þar sem mestu peningarnir eru.“

„Ég hafði ekki val, Sir Alex Ferguson rétti mér ekki samning á hverju ári. Ég er með 600 starfsmenn í Manchester og reyni að sjá um þau í gegnum heimsfaraldur, er það ekki nógu erfitt sæti að sitja í?.“

🗣 „Why is it not fair? Yesterday was nothing to do with insulting Liverpool. I don’t know why I’m living in his head.“

Gary Neville gives a response to Jurgen Klopp’s post-match interview about him pic.twitter.com/EAkDDsinUu

— Football Daily (@footballdaily) April 19, 2021