Tottenham ákvað í gær að reka Jose Mourinho úr starfi sem knattspyrnustjóra félagsins. Mourinho hafði stýrt liðinu í 17 mánuði.

Mourinho var rekinn eftir 2-2 jafntefli gegn Everton um liðna helgi en hann hafði staðið í stríði við marga af leikmönnum félagsins.

Nú hefur Ryan Mason tekið við liðinu út tímabilið en hann var áður leikmaður félagsins, hann þurfti að hætta snemma vegna höfuðmeiðsla. Mason er 29 ára gamall.

Honum til aðstoðar verða Chris Powell og Nigel Gibbs, Michel Vorm fyrrum markvörður félagsins sér um markmennina. Ledley King heldur áfram í þjálfarateyminu.

„Við höfum mikla trú á þessum hæfileikaríka hóp, við erum með bikarúrslit og sex leiki í deildinni. Við einbeitum okkur að því að enda tímabilið vel,“ sagði Daniel Levy stjórnarformaður Tottenham.

Tottenham er sagt leggja mikla áherslu á það að ráða Julian Nagelsman þjálfara RB Leipzig í sumar.