Það verður hart barist í síðustu sjö umferðum ensku úrvalsdeildarinnar um gullskóinn sem er eftirsóttur biti á hverju ári.

Harry Kane og Mohamed Salah hafa báðir skorað 19 mörk á þessu tímabili og er líklegast að annar hvor þeirra hreppi hnossið.

Kane hefur skorað mark á 134 mínútna fresti í deildinni á þessu tímabili en Salah hefur þurft mínútu minna að meðaltali í sín mörk.

Bruno Fernandes hefur spilað 31 leik og skorað í þeim 16 mörk, hann skorar mark á 165 mínútna fresti sem er gott fyrir miðjumann.

Jamie Vardy tók gullskóinn á síðasta ári en baráttan á þessu tímabili ætlar að verða ansi hörð.