Forráðamenn Barcelona hafa sett alla einbeitingu á það að að fá Erling Haaland framherja Borussia Dortmund, sama hvort um sé að ræða í sumar eða eftir ár.
Mino Raiola og faðir Haaland funduðu með Barcelona á dögunum og hafa forráðamenn félagsins mikinn áhuga á að fá hann.
Haaland er með 65 milljón punda klásúlu sem virkjast sumarið 2022 en gæti farið fyrr þar sem Dortmund er í vandræðum með tryggja sér Meistaradeildarsæti. Talið er að kaupverðið sé um 154 milljónir punda.
Mikið hefur verið skrifað um fjárhagsvandræði Barcelona en þá er talið að samband Raiola og Laporta, nýkjörins formanns Barcelona, sýni að báðir aðilar eru vongóðir um að samningar náist.
Haaland er tvítugur framherji en Manchester City, Real Madrid, Manchester United, Chelsea og fleiri lið hafa áhuga á honum.
