„Mér líður hrikalega vel hérna í Víkinni, það er enginn ástæða fyrir mig að fara nokkurn skapaðan hlut. Ég má nánast gera það sem ég vil hérna, þetta sýnir ánægju með mín störf,“ sagði Arnar Gunnlaugsson um nýjan samning sinn við Víking sem skrifað var undir í dag.

Knattspyrnudeild Víkings hefur framlengt samning sinn við Arnar Bergmann Gunnlaugsson til þriggja ára, út tímabilið 2023. Samningurinn er óuppsegjanlegur af beggja hálfu, rétt eins og fyrri samningur var.

Arnar varð bikarmeistari með Víking árið 2019 en sumarið í fyrra reyndist liðinu erfitt. „Hugmyndafræðin og fá inn yngri leikmenn í bland við eldri leikmenn, ég er ánægður að vera hérna,“ sagði Arnar.

Dagurinn er stór fyrir Arnar en í dag geta íþróttalið hafið æfingar á nýjan leik. „Þetta var erfið pása, erfiðari en síðustu pásur. Þetta tók á hausinn á leikmönnum,“ sagði Arnar.

Viðtalið er í heild hér að neðan.