Sofiane Lokar, alsírskur knattspyrnumaður, lést í leik með liði sínu, Mouloudia Saida, í leik gegn Oran á jóladag.
Lokar var 30 ára gamall. Sagt er frá því í tyrkneskum fjölmiðlum að hann hafi fengið höfuðhögg á 26. mínútu leiksins þegar hann lenti í árekstri við eiginn markvörð. Hann fékk aðhlynningu vegna þeirra meiðsla og virtist allt í lagi.
Lokar hélt áfram að spila en níu mínútum síðar hneig hann til jarðar. Örsökin var hjartaáfall. Viðbragðsaðilar á vellinum reyndu að bjarga honum en tókst það því miður ekki.
