Roma tók á móti Inter í Seria A í dag. Inter vann auðveldan 0-3 sigur í leiknum.
Fyrstu tíu mínútur leiksins voru nokkuð rólegur en svo vöknuðu leikmenn Inter til lífsins. Hakan Calhanoglu braut ísinn á 15. mínútu og Edin Dzeko tvöfaldaði forystuna tæpum tíu mínútum síðar. Denzel Dumfries skoraði þriðja markið undir lok fyrri hálfleiks og gestirnir leiddu með þremur mörkum þegar flautað var til leikhlés.
Seinni hálfleikur var mikið rólegri og tíðindalítill. Ekki voru fleiri mörk skoruð og 0-3 sigur Inter niðurstaðan.
Inter er í 2. sæti deildarinnar með 37 stig, einu á eftir grönnum sínum í AC Milan. Roma er í 5. sæti með 25 stig.
Roma 0 – 3 Inter
0-1 Hakan Calhanoglu (´15)
0-2 Edin Dzeko (´24)
0-3 Denzel Dumfries (´39)
