Arsenal og Tottenham hafa áhuga á Dejan Kulusevski, vængmanni Juventus. Þetta segir á vef Calciomercato.
Juventus er tilbúið til þess að selja þennan 21 árs gamla Svía í janúar. Hann hefur þó leikið 17 leiki í öllum keppnum á þessari leiktíð.
Kulusevski hefur áður verið orðaður við Manchester City og Paris Saint-Germain. Áhugi á honum hefur þó aðeins minnkað.
Arsenal og Tottenham vilja þó fá hann til sín. Hann er falur fyrir um 35 milljónir punda.
