Manchester United er með Unai Emery á blaði hjá sér yfir hugsanlega arftaka Ole Gunnar Solskjær hjá Manchester United. Þýska blaðið Bild segir frá þessu.

Emery er stjóri Villarreal þessa stundina. Hann mætti einmitt Man Utd með sínu liðið í Meistaradeild Evrópu í gær. Man Utd van 0-2.

Emery er fyrrum stjóri annars liðs í ensku úrvalsdeildinni, Arsenal. Hann tók við liðinu af Arsene Wenger árið 2018. Hann stýrði Skyttunum í úrslitaleik Evrópudeildarinnar vorið 2019 en tapaði þar gegn Chelsea. Hann var svo látinn var eftir um þrjá mánuði tímabilið eftir það sökum slæms gengis.

Spánverjnn stýrði Villarreal þá til sigurs í Evrópudeildinni síðasta vor. Liðið vann Man Utd í úrslitunum.

Man Utd er í leit að stjóra eftir að Ole Gunnar Solskjær var rekinn á dögunum. Félagið vildi fá Mauricio Pochettino til að taka við en félag hans, Paris Saint-Germain, mun ekki hleypa honum í burtu núna. Hann gæti þó tekið við sem framtíðarstjóri í sumar.

Þangað til mun Man Utd leita að bráðabirgðastjóra. Samkvæmt fréttum fyrr í dag mun félagið ræða við þá Ralf Rangnick, Lucien Favre, Ernesto Valverde, Rudi Garcia og Paulo Fonseca um að taka tímabundið við félaginu. Samkvæmt Bild er Emery einnig möguleiki.