Breska söngkonan Adele hefur frá blautu barnsbeini verið dygg stuðningskona Tottenham Hotspur í ensku úrvalsdeildinni en hún er einmitt frá Tottenham hverfinu í Norður Lundúnum.

Söngkonan náðist á myndband að syngja „Glory, Glory, Tottenham Hotspur“ sem er vinsælt lag á meðal stuðningsmanna félagsins.

Lagið hét upprunalega „Glory, Glory, Hallelujah“ og varð fyrst vinsælt meðal stuðningsmanna Tottenham snemma á 7. áratugnum en breyttist síðar í „Glory, Glory, Tottenham Hotspur“ árið 1981 fyrir úrslitaleik liðsins gegn Manchester City í FA bikarnum.

Adele varð fræg fyrir að syngja magnþrungin lög um misheppnuð sambönd og ástarsorg og einn stuðningsmaður Tottenham líkti sambandi stuðningsmannanna við félagið við tregablandin ástarlög Adele.

Tottenham hefur verið þekkt fyrir það á undanförnum árum að komast nálægt því að vinna titla, en glutra tækifærinu frá sér á ögurstundu.

„Annað lag eftir Adele sem fjallar um eitrað samband, depurð, ástarsorg, reiði og að geta ekki haldið áfram með lífið,“ stóð í tístinu.

Myndbandið má sjá hér að neðan.

Another Adele song involving a toxic relationship, feelings of sadness, heartbreak, not moving on and anger. #COYS https://t.co/aXiSppTRzG

— MattISpurs (@ParkLaneBlock40) October 21, 2021