Þær sögusagnir óma nú um allt í íslenska knattspyrnusamfélaginu að bakvörðurinn Davíð Örn Atlason vilji snúa aftur til Víkings Reykjavíkur eftir erfiða tíma hjá Breiðablik. Frá þessu er greint bæði í hlaðvarpsþættinum Dr. Football sem og Þungavigtinni.

Davíð spilaði aðeins ellefu leiki á tímabilinu eftir að hafa skipt yfir til Breiðabliks frá Víkingum fyrir tímabilið og samdi til þriggja ára.

Nú lítur út fyrir að samkomulag geti náðst milli félaganna tveggja og að Davíð geti snúið aftur í Fossvoginn þar sem leit stendur yfir að hægri bakverði.

Davíð Örn er þekkt stærð í efstu deild á Íslandi. Hann á að baki 117 leiki í deildinni og hefur skorað 7 mörk. Hann var fastamaður í liði Víkings á árunum 2015-2019 áður en hann skipti yfir í Breiðablik.