Daniel James kantmaður Manchester Untied er að verða pirraður á því hversu fá tækifæri hann fær hjá félaginu, James er sagður hafa áhuga á því að fara annað til að spila meira.

James var í nokkuð stóru hlutverki á síðustu leiktíð sem var hans fyrsta tímabil hjá Manchester United. Á þessari leiktíð hefur hann fengið fá tækifæri.

„Það eru furðulegir tímar, þú veist ekki hvað gerist og það eru margir leikir á stuttum tíma,“ sagði Ryan Giggs fyrrum leikmaður United og þjálfari James hjá landsliði Wales.

„Ég tel að Ole muni reyna að halda eins mörgum leikmönnum og hann getur. Það getur verið pirrandi fyrir suma.“

„Ég veit að Dan er ósáttur, eins og allir aðrir leikmenn sem spila ekki alla leiki. Þegar þú ert hjá stóru félagi eins og United þá verður þú að nýta þína sénsa.“