Kevin De Bruyne miðjumaður Manchester City verður frá í 6-8 vikur vegna meiðsla aftan í læri, hann meiddist í sigri gegn Aston Villa í vikunni.
De Bruyne er meiddur aftan í læri og gæti í heildina misst af tíu leikjum. Ljóst er að þeta er mikil blóðtaka fyrir City.
Pep Guardiola stjóri Manchester City staðfesti tíðindin á fréttamannafundi í dag.
Leikirnir sem De Bruyne gæti misst af eru gegn Cheltenham, West Brom, Sheffield United, Liverpool, Tottenham, Arsenal, Borussia Monchengladbach, West Ham og Manchester United. Að auki ætti City að eiga einn leik í bikarnum til viðbótar.
City er að berjast við topp deildarinnar og er tveimur stigum á eftir toppliði Manchester United en eiga leik til góða.
