West Ham tók á móti Burnley í 19. umferð ensku úrvalsdeildarinnar í dag. Leikurinn endaði með 1-0 sigri West Ham en leikið var á heimavelli liðsins, London Stadium.
Jóhann Berg Guðmundsson, var í byrjunarliði Burnley í leiknum en var tekinn af velli í hálfleik. Það er ekki vitað á þessari stundu hvort það hafi verið gert vegna meiðsla.
Það var Michail Antonio, sem skoraði eina mark leiksins fyrir West Ham á 9. mínútu leiksins.
Sigur West Ham lyftir liðinu upp í 8. sæti deildarinnar þar sem liðið er með 29 stig. Burnley er í 17. sæti með 16 stig, fjórum stigum frá fallsæti.
West Ham 1 – 0 Burnley
1-0 Michail Antonio (‘9)
Þá vann Brighton 0-1 útisigur gegn Leeds United í dag. Það var Neal Maupay sem skoraði eina mark leiksins á 17. mínútu eftir stoðsendingu frá Alexis Mac Allister.
Kærkominn sigur fyrir Brighton sem lyftir sér upp í 16. sæti deildarinnar með 17 stig. Leeds United er í 12. sæti með 23 stig.
Leeds United 0 – 1 Brighton
0-1 Neal Maupay (’17)
